Xelq û dikandarên Sêrtî destnîşan kirin her meha ku diçe heqê ceyranê zêdetir tê ku ew ji ber vê yekê gelek zêde mexdûr û perîşan in.
“Heqê ceyranê ya ku meha borî 230 TL hatibû vê mehê 330 TL hat”
Welatîyê bi navê Mehmet Yildirim ê ku derheqê mijarê de axivî destnîşan kir, heqê ceyranê her car ji ya hatî zêdetir tê û dû re wiha got: “Digel ku derdora Sêrtê bi bendavan tije bûbe jî heqê ceyranê pir zêde ye.Tu kes ji tirsan dengê xwe dernaxe.Însan betal in, lê belê heqê ceyranan 300-400 TL tê. Em 4-5 rojan li înşaatan dixebitin û em wê jî didin heqê ceyranê. Heqê ceyranê ya ku meha borî 230 TL hatibû vê mehê 330 TL hat.”
“Heqê faturaya vê mehê hezar û 120 TL ji ya meha borî zêdetir hat”
Welatîyê bi navê Abdurrahman Kaygi jî derbarê mijarê de nerazîbûna xwe anî zimên û destnîşan kir: “Bila hema piçekî li xelqê bifikirin.Her meh zam li heqê ceyranê tê kirin. Gelo ceyranê ji fezayê îthal dikin.Ez dibêjim piçekî însaf û wijdan û tiştekî din nabêjim”
Çend welatîyên din jî wisa fikirîn:
Alî Kaya: Digel ku ez ceyranê hindik bi kar tînim jî heqê ceyranê pir zêde tê.
Emîn Tarak: Ev 33 sal ku cara ewil ez li rasta heyameke wisa ya ku lê pir zam tê kirin têm.
Nedîm Ozdemîr: Faturaya ku meha borî 130 TL hat vê mehê zêdetir hat, eger heqê me xwaribin ez heqê xwe helal nakim.”(ÎLKHA)