Di dîmenên ku doh di tora medyaya civakî de hatin belav kirin de hat dîtin ku Tirkîye li herêma Badînanê darên mazî û berûyan ên ku devî û reban in jê dikin û bi tirempêlan dibin.
Ji doh ve ji vê birîna daran de li ser tora medyaya civakî bertekên tund tên nîşandan ku herî dawî Wezaretên Çandiniyê yên Iraq û Herêma Kurdistanê daxuyanîyek hevpar dan û bang li hikûmeta Tirkîyeyê kirin da ku dawî li vê yekê bînin.
Di daxuyanîya hevpar a ku hat belavkirin de tiştê ku ji teref Tirkîyeyê ve tê kirin wek karekî dijminane û li dijî mirovahî û jîngeha mirovan hat wesfandin.
Doh êvarî jî Berdevkê Hikûmeta Herêma Kurdistanê Adil Cotyar jî daxuyanîyek belav kiribû û li dijî vê yekê nerazîbûn û bertekên xwe nîşan dabû.(ÎLKHA)