Barzanî pêşwaziya Emîndarê Giştî yê Yekîtiya Cîhanî ya Zanayên Misilman kir

Serokê PDKê Mesûd Barzanî pêşwaziya Dr. Elî Qeredaxî Emîndarê Giştî yê Yekîtiya Cîhanî ya Zanayên Misilman û şandeke hevbeşa Zanîngeha Geşepêdana Mirovî û Rêxistina Tevgera Mirovî li Kurdistanê kir.
22.05.2021 16:09:54 / Xeberen Kurdi

Di hevdîtinê de rewşa siyasiya Iraq û Herêma Kurdistanê û pêşhatên siyasiyên dawî guftûgo kirin.

Her di vê hevdîtinê de derbarê karûbarê xêrxwazî û girîngiya rêxistinên mirovî û xêrxwaziyan yên li yarmetîdana civaka Kurdistanê de danustandina bîr û ramanan kirin û tekez jî li pêwîstiya destgirtina bi bihayên bilindên civakê û pêşxistina perwerdeya tendirust û niştimanî kirin.

Fazil Mîranî Sekreter û Hoşyar Zêbarî û Mehmud Mihemed Endamên Mekteba Siyasiya Partiya Demokrata Kurdistanê di hevdîtina ku hat kirin de amade bûn.(ÎLKHA)