Li cîhanê hejmara kesên ku ji ber Coronavîrusê mirin derket li ser 2 milyon û 100 hezaran

Ji ber Coronavîrusê li tevahîya cîhanê heta niha 2 milyon û 100 hezar û 634 kes canê xwe ji dest dan.
22.01.2021 10:05:28 / Xeberen Kurdi

Mirinên ku ji ber Coronavîrusa ku li Wuhana Çînê derket holê û di demeke kurt de belavî temamê dinyayê bû pêk tên her ku diçin zêdetir dibin.

Li gorî agahîyên ku hatine wergirtin hejmara kesên ku ji ber vîrusê canê xwe ji dest dane derket 2 milyon û 100 hezar û 634 kesan û hejmara kesên pêketî jî derket 98 milyon û 101 hezar û 309 kesan.

Mirinên herî zêde yên ji ber Coronavîrusê heta niha li Amerîkayê pêk hatin. Li gorî daneyên dawî hejmara mirîyan li Amerîkayê derketiye li ser 420 hezar kesî.(ÎLKHA)