Li cîhanê hejmara kesên ku ji ber Coronavîrusê mirin derket li ser milyonek û 550 hezarî

Ji ber Coronavîrusê li tevahîya cîhanê heta niha milyonek û 550 hezar û 263 kesan canê xwe ji dest dan.
08.12.2020 08:15:05 / Xeberen Kurdi

Mirinên ku ji ber Coronavîrusa ku li Wuhana Çînê derket holê û di demeke kurt de belavî temamê dinyayê bû pêk tên her ku diçin zêdetir dibin.

Li gorî agahîyên ku hatine wergirtin hejmara kesên ku ji ber vîrusê canê xwe ji dest dane derket milyonek û 550 hezar û 263 kesan û hejmara kesên pêketî jî derket 67 milyon û 938 hezar û 995 kesan.

Mirinên herî zêde yên ji ber Coronavîrusê heta niha li Amerîkayê pêk hatin. Li gorî daneyên dawî hejmara mirîyan li Amerîkayê derketiye li ser 290 hezar kesî.(ÎLKHA)