Peyamên pîrozbahîyê yên meha Remezanê yên ku hatin dayîn wisa ne:
Serokê PDKê û Serokê berê yê Herêma Kurdistanê Mesûd Barzanî:
Hêvîdar im meha Remezanê bibe cihê xêr û xweşiyê bo gelê Kurdistan, Iraq û hemû mirovahiiyê û bidawîhatina nexweşiyan û asayîbûna jiyanê. Herwiha bidawîhatina teror, tundûtûjî û belavbûna aştî, pêkvejiyan û asûdeyiyê bo hemû mirovahiyê.
Serokê Herêma Kurdistanê Nêçîrvan Barzanî:
Hêvîdarim meha Remezanê bibe cihê qayîmkirina tebayî û derbaskirina astengan
Bi boneya hatina meha Remezanê pîrozbahiyên xwe pêşkêşî misilmanên Kurdistan, Iraq û cîhanê dikim û hêvîdarim meha Remezanê bibe cihê qayîmkirina tebayî û derbaskirina astengan.
Serokwezîrê Herêma Kurdistanê Mesrûr Barzanî:
Ez Remezana temamê Misilmanên Kurdistan û cîhanê pîroz dikim, bila Remezan bibe, xêr, bereket, rehmetê û xweşiyê bo her kesî û Xwedayê mezin û dilovan, rojî, dua û îbadetên hemiyan qebûl bike.(ÎLKHA)