Gelê ku doh êvarî bi qedexeya derketina derve hesîya berê xwe da market û firinan

Doh êvarî di bergeha tevdîrên Coronavîrusê de li 30 bajarên mezin û Zonguldakê qedexeya derketina derve ya ku dê 48 seatan derbasdar be hat îlankirin. Gelê ku bi qedexeya derketina derve hesîya berê xwe da market û firinan.
11.04.2020 12:30:21 / Xeberen Kurdi

Ji teref Wezareta Karên Hundir ve ji doh êvarî seat 12an pêve li Edenê, Enqeaea, Entalya, Aydin, Balikesîr, Bursa, Denîzlî, Diyarbekir, Erzerom, Eskîşehîr, Entabê, Hatay, Stenbol, Îzmîr, Maraş, Kayserî, Kocaelî, Konya, Malatya, Manîsa, Mêrdîn, Mêrsîn, Mugla, Ordu, Sakarya, Samsun, Riha, Tekîrdag, Trabzon, Wan û Zonguldakê ji bo 48 seatan qedexeya derketina derve hat îlankirin.

Li bajarên ku lê qedexeya derketina derve hat îlankirin gel xwe berda kolanan û berê xwe dan market û firinan. Ji ber ku gel xwe ji nişka ve berda kolanan li ber marker û firinan îzdîham çêbû û di nav gel de teşqele derket.

Di dîmenên ku hatin girtin de tê dîtin ku kesên xwe berdan kolanan qet haya xwe ji mesafeya civakî nekirin ku ev yek jî ji bo pêketina bi Coronavîrusê rîskeke mezin e.(ÎLKHA)