Hat îddîakirin li Mêrdînê 3 kes ji ber Coronavîrusê canê xwe ji dest dan

Hat îddîakirin li Mêrdîna ku li gorî daneyên wezaretê 34 kesên bi vîrusê ketî hene 3 kes ji ber Coronavîrusê canê xwe ji dest dan.
03.04.2020 13:30:13 / Xeberen Kurdi

Wezîrê Tenduristîyê yê Tirkîyê Fahrettîn Koca di daxuyanîya ku berî niha belav kiribû de destnîşan kiribû ku li Mêrdînê 34 kesên ku bi vîrusê ketine hene.

Hat ragihandin ji van kesên ku vîrus bi wan re hat tespîtkirin tevde 3 kesên ku di bin çavdêrîyê de bûn canê xwe ji dest dan.

Li gorî agahîyên ku hatine wergirtin 3 kesên bi navê C.Ç.(62), N.E.(66) û F.K(70) yê ku ji umrê hatibû û testên wan pozîtîf derketibûn û di nexweşxanê de tedawî dibûn canê xwe ji dest dan.(ÎLKHA)