Ji teref Donald Trumpê Serokê Amerîkayê ve derbarê êrîşa ku ji teref Îranê ve li baregahên wan ên li Iraqê hatin kirin de daxuyanîyek hat belavkirin.
Trump di daxuyanîya xwe ya ku belav kir de destnîşan kir di encama êrîşên ku li baregahan hatin kirin de tiştek bi serê tu kesî nehat û dû re wiha li daxuyanîya xwe zêde kir: “Temamê leşkerên me di ewlehîyê de ne. Tiştek bi serê tu leşkerî nehat. Bes hinek xisar di baregahê de pêk hat. Ji ber ku em pergala hişyarîya zû bi kar tînin leşker nemirin.”
Trump di berdewama daxuyanîya xwe de diyar kir wî bi xwe fermana kuştina Qasim Silêmanî daye û dû re got Îran dê tu car nebe xwedîyê çekên nukleer.(ÎLKHA)