Ji teref Serokê Yekîtîya Alimên Misliman ên Cîhanê Ahmed er-Raysûnî ve derbarê şehadeta Şehîd Muhammed Mursîyê Serokomarê Misirê de daxuyanîyek hat belavkirin. Er- Raysûnî di daxuyanîya xwe ku belav kir de destnîşan kir “Şehadeta Mursî ji bo wan serokên Ereban ên ku hevkarîyê dikin û ji şehadeta Mursî bêdeng dimînin şerm û fedî ye. Dîsa şehadeta Mursî, ji bo Sîsîyê ku fermana mirina masûmên bi şeref daye şerm û fedî ye.”
Raysûnî di berdewama daxuyanîya xwe de diyar kir “Muhammed Mursî ev bû 6 sal ku di hepisxaneyan de îşkenceyan didît. Ew ê her tim ew bê bîranîn. Wî dibirin û dianîn mehkemeyan û tinazên xwe pê dikirin. Ev bû 6 sal ku ew parçe parçe kuştin.”
Raysûnî di dawîya daxuyanîya xwe de diyar kir; rejîma Siûd û Mîrnişînîyên Yekbûyî yên Ereban a ku destek dan darbê û her wisa Misirî, Lîbyayî, Yemenî û Sûdanî bûn sedema şehadeta Mursî.(ÎLKHA)