PKK meha Gulana sala borî li gundê Baqewsa Diyarbekirê ji ber ku qamyona bombebarkirî teqand 16 kesên ku gundê Herbecinê jiyana xwe ji dest dabûn. Ji bo 16 kesên ku di ji teref PKKê ve hatin qetilkirin li gundê Herbecinê bernameya bîranînê hat tertîpkirin.
Waliyê Diyarbekirê Huseyîn Aksoy, Miftiyê Diyarbekirê Burhan Îşleyen, Serokê Şaredariya Mezin a Diyarbekirê Cuma Atîlla, Midûrê Ewlehiya Diyarbekirê Aslan û gelek kesên din beşdarî bernamê bûn.
Di bernamê de Mewlûda Şerîf hat xwendin û dû re nimêja înê hat kirin. Piştî nimêja înê endamên protokolê û welatî digel hev çûn ser qebrên kesên ku ji teref PKKê ve hatin qetilkirin û li ser rûhên wan fatîha xwendin û ji teref Muftî Îşleyen ve ji bo wan dia hat kirin.
Di 12ê Gulana 2016an de ji teref PKKê ve li Baqewsa Sûra Diyarbekirê qamyona bombebarkirî hat înfîlakkirin û di bûyerê de 16 gundî jiyana xwe ji dest dan û 26 gundî jî birîndar bûn. Ji ber şîdeta teqînê di kûrahiya 20 metroyan de çal çêbûbû.(ÎLKHA)