Namzetê xweser a Amedê Zekerîya Yapicioglu ya ku HUDA PARê piştgirî û destek didiyê di vekirina buroya hilbijartinê de êrîşên ku bi hineceta Kobanê li Amedê qewimîn bi bîr anî û diyar kir ku ew bûyerên ku di 6 û 7ê cotmehê de qewimîn projeya qetlîamekî mezin bû.
Namzetê Azad di vekirina buroya hilbijartinê de wiha ragihand: Ew bûyerên ku di 6 û 7ê cotmehê de senaryoyek hat nivîsîn û ji hinek kesan rol û wezîfe hat dayîn. Bi awayî plana qetlîamekî mezin kirin ku Xwedayê Teala lîstik û planên wan kesan xera kir.
“Ew dikan û erebeyên ku we şewitand, ew xortên ku we qetil kir ma ne kurd bûn? “
Yapicioglu her wiha ragihand: Divê berî her tiştî ew kesên ku dibêjin em ji fêdeya vî gelî re dixebitin divê ciwanan hevdu nedin kûştin. Milet hemû tiştî dibene. Piştî wê qetlîamê hin kes bi şiklekî kelegirî derketin û gotin ku ‘Me nexwastibû ku şîdet çêbibe, kûştin bibe, dikan werin şewitandin û şelandin` Lê bele demeke şunda dîsa ew kes derketin meydanê û ji van bûyeran re gotin ku ‘ Serhildana biihtişam.` Ji bo kî û li hemberî kî serhildan? Ew dikan û erebeyên ku we şewitand ma ne yên kurdan bûn? Ew xortên ku we qetil kir ma ne kurd bûn? ew kesên nêzî 50î ku hûn bûn sedema mirina wan ma ne kurd bûn? Heger hûn birastî jî xizmetkarê vî gelî bin milet bi hevdu nedin kûştin, nebin maşika lîstik û planên dewletê”
Piştî axavtina Yapicioglu, serokê bajaroka Baglar a HUDA PARê Mehmet Beşîr Çelîk destnîşan kir ku navê “Şehîd Hasan” dane buroya hilbijartinê . (ÎLKHA)