Mucahîdên Qessam leşkerên îşxalker di malekê de bêbandor kirin û êsîran xelas kirin

Tûgayên Qessam ragihand ku li taxa Beyt Lahîya Xezzeyê li malekê 3 leşkeran bi kêrê kuştine û leşkerên dinê jî bêbandor kirine û piştre jî girtiyên di malê de rizgar kirine.
23.12.2024 17:09:20 / Xeberen Kurdi

Tûgayên Qessam di daxuyanîya xwe ya li ser qenala Telegramê de diyar kirin ku li bakurê Xezzeyê operasyoneke berfireh li dar xistine.

Tûgayan diyar kirin ku wan 3 leşkerên sîyonîst ên ku dixwestin avahîyekî biparêzin li herêma Beyt Lahîyayê bi danîna barîqatê bi kêrê xistin û kuştin.

Qessam got ku piştî vê yekê micahidan bi ser malê de girtin û hemû endamên hêzên sîyonîst ên di malê de ji mesafeya sifirê bêbandor kirin û çekên wan jî desteser kirin; Wî destnîşan kir ku wan gelek Filistînîyên ku ji ber îşxalê hatibûn desteserkirin serbest berdan.

Tûgayên El-Qessam diyar kirin ku di operasyoneke din a li Kampa Nuseyrat a li navenda Xezzeyê de bi roketên Yasîn 105 keştîya sîyonîst û tanka "Merkava"yê xistin û balafira bêmirov a "Quadcopter"a siyonîst xistin xwarê. (ÎLKHA)