Ji bo destekkirina komkujî û drama mirovahiyê ya li Xezzeyê, Keştiya Wijdan a girêdayî Koalîsyona Navneteweyî ya Fîloya Azadiyê ev nêzî 2 meh in li Bendera Haydarpaşayê lenger e.
Rayedarên komeleyê ku ji bo gihandina alîkariyên mirovî li benda destûra rayedaran in, piştgiriya gelek koman digirin.
Serokê Giştî yê HUDA PARê Zekeriya Yapiciogluyê ku ji bo kesên nobedê digirin ziyaret kir li vir axavtinek kir.
Yapicioglu weha axivî, "Ji Mijdara 2023an û vir ve li ser şandina fîloya nû ya Xezzeyê lêkolînek heye. Di Mijdara sala borî de, me hin danûstandin bi hikûmetê re kir da ku vê fîloyê saz bikin. Lê mixabin heta niha derneketiye. Hevalên me bi hefteyan li vir li bendê ne ku ev fîlo biçe Xezzeyê û alîkariyên mirovî bigihîne."
Yapicioglu axaftina xwe wida domand, "Me ji destpêkê ve her tim vê yekê digot. Heta Xezze ji bindestî, ablûqe û qirkirinê rizgar bibe divê her kes bi hemû hêza xwe hewl bide. Di dema ku rêxistinên sivîl ên li vir hewl didin alîkariyên mirovî û belkî jî piştgiriya siyasî û alîkariya dermanan bikin, me jî li Meclîsê pêşnûmeqanûnek ji bo darizandina sûcdarên jenosîdê ku hemwelatiyên dualî ne, pêşkêş kir. Ji aliyekî ve jî bi meş û çalakiyên li ser medyaya civakî hewl didin balê bikşînin ser zilma li wir. Wisa xuya dike ku tiştên ku heta niha hatine kirin têra sekinandinê zulmê nekirine. Ji ber vê yekê pêwîst e gavên din bên avêtin. Êdî ji aliyê her kesî ve dest pê kir ku hedefa siyonîstan ne tenê Xezze ye. Daxwaza me ji hemû welatên Îslamî ev e: Îsraîl ji hêzê fêm dike, ji ber vê yekê bi hêzên xwe re tevbigerin û di zûtirîn dem de tevbigerin da ku li wir zordestiyê bisekinînin, qetlîamê rawestînin û hewcedariyên mirovahî li wir bi cih bînin. Em bang li temamê alema Îslamê û yên ku nebûne koleyên sîyonîzmê dikin. Ev ne şerê ku tenê siyonîzmê li dijî Xezzeyê an jî tenê li dijî Misilmanan dide meşandin e. Li dijî hemû mirovahiyê şer îlan kirine. Şerê di navbera malbata mirovan û sîyonîzmê de ye. Ji bo pêşî li van hovîtiyên bê girtin divê her kes her tiştî bike.” (ÎLKHA)