"Polîtîkaya weşanê ya Dogruhaberê bi şikleke cîddî hinek kesan aciz kiriye"
Ji teref ÎSMED-DERê ve di derbarê êrîşa ku li Rojnameya Dogruhaberê hatiye kirin de daxuyaniyek hat dayîn.Di daxuyaniya ku hat dayîn de êrîşa ku hat kirin hat telînkirin.
Di berdewama daxuyaniya ku hat dayîn de wiha hat ragihandin: “Ev êrîş ji bona birîna dengê çapemeniya ku her tim heqiyê tînê zimên hatiye kirin.Ev êrîş nayê qebûlkirin.Divê kesên ku vê êrîşê kirine û yên ku dane kirin demildest bên aşkerekirin.”
Di berdewama daxuyaniyê de wiha hat destnîşankirin: “Her weke ku tê zanîn doh di derdora seat 03.40an de êrîşa bi molotof û çekdarî li avahîya rojnamê ya li Esenlera Stenbolê hat kirin.Hemd ji Xweda re ku di êrîşê de tiştek bi tu kesî nehat.Em di serî de ji Rojnameya Dogruhaberê re û her wiha ji Kovara Înzar û Nîsanûrê û ji xebatkarên Rehber Tvyê re daxwazên xwe yên silametiyê tînin zimên.Xweda Teala ji zaliman re firsedê nede û planên wan xera bike.”(ÎLKHA)